(Source: http://www.fortunetellingbook.com/images/bookcover888%20copy.jpg)
အရင် ပို့စ်တွေမှာ ဖဲဗေဒင်ရဲ့ အဆင့်သုံးဆင့်ထဲက ဒုတိယအဆင့် အပွင့်တစ်ခုချင်းစီရဲ့ ပေါင်းစပ်ခြင်းတွေ အထိကို အသေးစိတ် လေ့လာခဲ့ပါတယ်။ ဒီနေ့မှာတော့... တတိယအဆင့်ဖြစ်တဲ့ နံပါတ် တစ်ခုချင်းစီရဲ့ အဓိပ္ပာယ်တွေနဲ့ ဘယ်လို ပေါင်းစပ်အဖြေထုတ်မလဲ ဆိုတာကို ပြောပြသွားမှာဖြစ်ပါတယ်။ ပထမဆုံး ပို့စ်မှာ ပြောသွားသလိုပါပဲ ဖဲချပ်တွေနဲ့ ဗေဒင်တွက်တာဟာ တားရော့ လီနော်မန် စတဲ့ ကတ်ပြားတွေနဲ့ အဖြေရှာတာလောက် အနှစ်သာရ မပြည့်ဝဘူးလို့ ထင်ကောင်းထင်နိုင်ပေမယ့် တကယ်တမ်း နက်နက်ရှိုင်းရှိုင်း လေ့လာမယ်ဆိုရင် ထူးခြားတာတွေကို တွေ့ရမှာပါပဲ။
ဖဲဗေဒင်ကို လေ့လာတဲ့သူတိုင်း ကြုံတွေ့ရတာက ဖဲဗေဒင်မှာ နည်းလမ်းအမျိုးမျိုး အဓိပ္ပာယ် ဖွင့်ဆိုချက်တွေ အမျိုးမျိုးရှိနေတာပဲ ဖြစ်ပါတယ်။ ပြင်သစ်ကနည်း၊ အရှေ့တိုင်းကနည်း၊ ဂျစ်ပဆီတွေရဲ့နည်း စသည်ဖြင့် စုံလို့ပါပဲ။ ဒါပေမယ့် အခြားတစ်ဘက်မှာ အဲဒီနည်းလမ်းတွေကို သေချာလေ့လာ နှိုင်းယှဉ်ကြည့်တဲ့အခါ တားရော့၊ လီနော်မန် ကတ်ပြားတွေရဲ့ ဖွင့်ဆိုချက်တွေ ကွဲပြားသလိုမျိုးဖြစ်တာကို သတိထားမိပါလိမ့်မယ်။ အဲဒီအခါမှာ အခြေခံအားဖြင့် ကတ်ပြားတွေရဲ့ ယူဆပုံ တူညီတာကိုလည်း သတိပြုမိမှာ ဖြစ်ပါလိမ့်မယ်။
ဒီနေရာမှာ ကျွန်တော်တို့ ယူဆတဲ့ ဖွင့်ဆိုချက်တွေကတော့ ပထမဆုံး ပို့စ်မှာ ပြောသွားခဲ့တဲ့ ကဗျာလေးပေါ်မှာ အခြေခံထားတာ ဖြစ်ပါတယ်။ အခြားသော မိမိနှင့် ကိုက်ညီတဲ့၊ ကာလံဒေသံ အလိုက်အထိုက် ဖွင့်ဆိုချက်တွေကို ပြောင်းလဲယူဆနိုင်ပါတယ်လို့ ဖြည့်ပြောချင်ပါတယ်။
တတိယအဆင့် ဖွင့်ဆိုချက်ကို အသေးစိတ် လေ့လာခြင်း
(Source: http://farm3.static.flickr.com/2192/2124833204_e4b2c64bcd.jpg)
ဒီတစ်ခါတော့ ကတ်ပြားတစ်ချပ်ခြင်းစီကို လေ့လာပါမယ်။ ဒါကလည်း သိပ်အခက်ကြီး မဟုတ်ပါဘူး နံပါတ် တစ်ခုချင်းစီကို အပွင့်တွေနဲ့ တွဲဖက် လေ့လာခြင်းပဲဖြစ်ပါတယ်။ အဲဒီတော့ ကျွန်တော်တို့ ရွတ်ဆိုနေကျ... `အပျင်းစွဲတဲ့ ဖဲချပ်ကဗျာ´ ဆိုတာလေးကို ပြန်သတိရမယ်ဆိုရင်...
- ၁ ဂဏန်းဟာ အဦးအစ ဖြစ်ပါတယ်။ အပွင့်တိုင်းရဲ့ အစဖြစ်နေတာပါ။
- ၂ ဂဏန်းကတော့ ဖလှယ်မှု၊ ဝေမျှမှု စတာတွေကို ဆိုလိုသလို၊ စုံတွဲ၊ ဒွိ စတာတွေကိုလည်း ရည်ညွှန်း ပါသေးတယ်။
- ၃ ဂဏန်းကတော့ တိုးတက်မှုကို ဆိုလိုတာပါ။
- ၄ ဂဏန်းကတော့ မလှုပ်မရှား တည်ငြိမ်နေမှု၊ လေးထောင့်ပုံ၊ စတုရန်း စတာတွေကို ကိုယ်စားပြုပါတယ်။
- ၅ ဂဏန်းကတော့ ကိုယ်ခန္ဓာ၊ ခြေ၊ လက်စတာတွေနဲ့ သက်ဆိုင်ပါတယ်။ (လူတစ်ယောက်မှာ ချွန်ထွက် နေတာဖြင့်... ခေါင်းတစ်ခု၊ လက်နှစ်ခု၊ ခြေနှစ်ခု ရှိလို့ပါ)။ ပြီးတော့ ငါးဂဏန်းဟာ ကျန်းမာရေးနဲ့လည်း သက်ဆိုင်ပါသေးတယ်။
အထက်က ၁ ကနေ ၅ အထိ ဂဏန်းတွေရဲ့ ဖြစ်ပျက်နေပုံကို လေ့လာကြည့်မယ်ဆိုရင် သဘာဝ အတိုင်းဆိုတာကို သတိထားမိပါလိမ့်မယ်။ ပထမဆုံး စတင်ဖြစ်တည်လာတယ်... ပြောင်းလဲတယ်... တိုးတက်လာတယ်... ကာလတစ်ခုကို ရောက်တဲ့အခါ ရပ်တန့်သွားတယ်... အဲဒီမှာ ဖြစ်တည်လာတာက အကောင်အထည်၊ ကိုယ်လုံးကိုယ်ထည် ပေါ်လာတယ်။ ဒီသဘောပါပဲ။ ဒီတော့ နောက်ဆက်ဖြစ်မှာကို တွေးကြည့်ရင် အဲဒီ ခြေလက်နဲ့ လူက လမ်းပေါ်လျှောက်သွားတော့မယ်။ အဲဒီအခါ...
- ၆ ဂဏန်းဟာ လမ်းကြောင်း၊ သွားရမယ့် ခရီးကို ပြဆိုတာပါ။ ခြောက်ဖဲချပ်ကို ကြည့်လိုက်ရင်လည်း ဖဲပွင့်လေးတွေ စီနေပုံက လမ်းကြောင်းလေးတစ်ခုကို ဖော်ညွှန်းနေသလိုပါပဲ
(Source: http://eprints.utas.edu.au/6857/1/6_spade_b.jpg)
- ၇ ဂဏန်းကတော့ ပြဿနာတွေ၊ အခက်အခဲတွေကို ရည်ညွှန်းတာပါ။ ၇ ဖဲချပ်ကို ကြည့်လိုက်ရင်လည်း လမ်းလယ်မှာ အတားဆီးလေး ရှိနေသလိုမျိုး တွေ့မိမှာပါ။
- ၈ ဂဏန်းကတော့ အတွေးအခေါ် အကြံအစည်တွေ၊ အိုင်ဒီယာတွေနဲ့ ပတ်သက်တာပါ။ သူ့ကို ရှေးရိုးအစဉ်လာရလည်း စိတ်နဲ့ ပတ်သက်တဲ့ ဂဏန်းအဖြစ် လက်ခံလာခဲ့တာပါ။
- ၉ ဂဏန်းကတော့ အပြောင်းအလဲကို ပြဆိုတဲ့ဂဏန်းပါ။ သူဟာ လနဲ့ သက်ဆိုင်တဲ့ ဂဏန်းအဖြစ် ယူဆခဲ့ကြပါတယ်။ လမင်းဟာ အမြဲတမ်း ပြောင်းလဲနေတာပါ။ မြန်မာအယူမှာတော့ ကိုးန၀င်း မိုးအလင်း ဆိုတာ ရှိပါတယ်။ အပြောင်းအလဲကိုပဲ ပြဆိုတယ်လို့ အကြမ်းအားဖြင့် ယူဆနိုင်ပါတယ်။
- ဖဲထုပ်တစ်ထုပ်မှာရှိတဲ့ နံပါတ်စဉ်တွေရဲ့ နောက်ဆုံးဖြစ်တဲ့ ၁၀ ဂဏန်းကတော့ ခရီးအဆုံးသတ်၊ ပန်းတိုင် စတာတွေကို ပြဆိုတာပါ။ နံပါတ် ၁၀ ကို ဖွင့်ဆိုတဲ့အခါ အဆုံးသတ်တယ်လို့ ယတိပြတ်ကောက်ချက် မချသင့်ပါဘူး။ သူဟာ နောက်ဘ၀တစ်ခုအတွက် အစပြုခြင်းလို့လည်း ယူဆနိုင်ပါသေးတယ်။ ဒါကြောင့် ၁၀ ဂဏန်းကို ဖတ်တဲ့အခါ ဖဲချပ်ဟာ ဘယ်အပွင့်ပဲ ဖြစ်နေပါစေ... စဉ်ဆက်မပြတ် ဖြစ်တည်မှု Continuous သဘောကိုလည်း မေ့မထားသင့်ပါဘူး။
အထက်က နံပါတ်စဉ် ၆ ကနေ ၁၀ အထိဖြစ်ပေါ်လာတာကလည်း သဘာဝ ဖြစ်စဉ်အတိုင်းပါပဲ။ နံပါတ် ၅မှာ အင်္ဂါစုံလာတဲ့ လူဟာ လမ်းကြောင်းပေါ်လျှောက်တယ်။ အခက်ခဲတွေ အတားဆီးတွေ တွေ့တယ်။ အဲဒီအခါမှာ ကြံစည်တွေးခေါ်မှုတွေနဲ့ ဘ၀ကို ပြောင်းလဲနေထိုင်ရင်း နောက်ဆုံးခရီးလမ်းကို လျှောက်လှမ်းသွားတယ်။ ဒီသဘောလေးပါပဲ။
၁ ကနေ ၁၀ အထိ မှတ်မိသွားရင်တော့ ကျန်တဲ့ ကတ်ပြားတွေကို မှတ်မိဖို့ လွယ်ကူသွားပါပြီ။
- ကင်းဆိုတာ ဖိုယောက်ျား၊ ခွန်အားကြီးခြင်း စတာတွေကို ပြဆိုပါတယ်။
- ကွင်းဆိုတာကျတော့ အမျိုးသမီး၊ မှန်ကန်ခြင်း၊ သစ္စာရှိခြင်း စတာတွေကို ပြဆိုပါတယ်။
- ဂျက်ကတ်ပြားကျတော့ သတင်းစကား၊ လူငယ်၊ နုပျိုမှု စတာတွေကို ပြဆိုပါတယ်။ လိင်အနေနဲ့ သူဟာ ကျားမ နှစ်မျိုး လုံးနဲ့ သက်ဆိုင်ပါတယ်။
(Source: http://img3.imageshack.us/img3/907/dscf7980.jpg)
ဒါဆိုရင် နည်းနည်းလေး တစ်ဆင့်တိုးပြီး အပွင့်တွေနဲ့ ပေါင်းစပ်လေ့လာကြည့်ကြပါစို့။ ဒီနေရာမှာ ၅၂ ချပ်စလုံးကို မပြောပြတော့ပါဘူး။ နမူနာ ၁၃ ချပ်ကိုပဲ ပြောပြပါမယ်။ ကျန်တာကို သင့်ရဲ့ အားထုတ်မှုနဲ့ လေ့လာသင်ယူပါလို့ အကြံပြုချင်ပါတယ်။
Ace (အစပျိုးခြင်း) + ♥ (မိသားစု၊ အချစ်၊ မိတ်ဆွေ):
ချစ်ခြင်း အစပျိုးခြင်း၊ မိတ်ဆွေသစ် ရခြင်း၊ မိသားစုဝင် အသစ်မွေးဖွားလာခြင်း
2 (ဖလှယ်မှု) + ♠ (ပြဿနာ):
နှစ်ဦးနှစ်ဘက် အငြင်းပွားမှု၊ ပြတ်စဲခြင်း၊ ပေါင်းသင်းဆက်ဆံရေး မပြေလည်ခြင်း
3 (တိုးတက်မှု) + ♦ (ငွေကြေး၊ စည်းစိမ်):
လစာတိုးရခြင်း၊ ငွေကြေးတိုးပွားလာခြင်း၊ အမြတ်ရခြင်း
4 (တည်ငြိမ်မှု၊ ရပ်တန့်မှု) + ♣ (အလုပ်အကိုင်၊ စီမံကိန်း):
ခိုင်မြဲအခြေကျသော ပန်းတိုင်၊ မွဲပြာပုဆိုး ကိစ္စများ၊ ပျင်းရိဖွယ် အလုပ်အကိုင်များ၊ နှေးကွေးလေးလံသော ခြေလှမ်းများ
5 (ကိုယ်ခန္ဓာ၊ ကျန်းမာရေး) + ♥ (ချစ်ခြင်း၊ မိသားစု၊ မိတ်ဆွေ):
လိင်ဆက်ဆံခြင်း၊ ခင်မင်မှုရဲ့ လက်တံ၊ ကျန်းမာရေးကောင်းခြင်း (အသည်းပုံဟာ ကောင်းတဲ့ကတ်ဖြစ်ပါတယ်)
6 (ခရီးလမ်း) + ♠ (ပြဿနာ):
လမ်းမှားကို ဦးတည်နေခြင်း၊ ရွေးခြယ်မှုမှာခြင်း၊ ခရီးသွားရင်း ဒုက္ခရောက်ခြင်း၊ အကျိုးမြတ်မရသော ခရီးဖြစ်ခြင်း၊ စွန့်ပယ်ခံရခြင်း
7 (ပြဿနာ) + ♦ (ငွေကြေး၊ စည်းစိမ်):
ငွေကြေး ပြဿနာ၊ အမြတ်မရခြင်း၊ အသုံးစရိတ် ခက်ခဲခြင်း
8 (အကြံအစည်) + ♣ (အလုပ်ကိုင်၊ စီမံကိန်း):
အလုပ်အကြောင်း စဉ်းစားခြင်း၊ အလုပ်ပြောင်းရန် စဉ်းစားခြင်း၊ လက်တွေ့ကျသော အကြံအစည်
9 (အပြောင်းအလဲ) + ♥ (ချစ်ခြင်း၊ မိသားစု):
ကောင်းမွန်သော အပြောင်းအလဲ (အသဲပုံက ကောင်းသောကဒ်ဖြစ်၍) ဆုတောင်းပြည့်သော ကတ်ပြားဟုလည်း ရှေးရိုးအစဉ်အလာ လက်ခံထားသည်။
10 (အဆုံးသတ်၊ ပန်းတိုင်) + ♠ (ပြဿနာ):
ပြဿနာပေါင်း သောင်းခြောက်ထောင်၊ ထိခိုက် ပျက်ဆီး ၀မ်းနည်းရခြင်း
King (ယောက်ျား၊ ခွန်အား) + ♦ (ငွေကြေး၊ စည်းစိမ်):
ငွေကြေးချမ်းသာသော ယောက်ျား၊ ငွေကြေးအင်အား တောင့်တင်းမှု၊ ငွေကြေးခိုင်မာသော စီးပွားရေး
Queen (မိန်းမ၊ မှန်ကန်မှု) + ♣ (အလုပ်အကိုင်၊ စီမံကိန်း):
လက်တွေ့ကျသော၊ တက်ကြွသော အမျိုးသမီး၊ ဘ၀အတွက် လှုပ်ရှားရုန်းကန်နေသော အမျိုးသမီး၊ သစ္စာတရား၏ ခေါ်ဆိုသံ၊ ကွက်တိ အဆင်ပြေသော အလုပ်အကိုင်၊ မှန်ကန်စနစ်ကျသော စီမံမှု
Jack (သတင်း၊ နုပျိုခြင်း) + ♥ (ချစ်ခြင်း၊ မိသားစု၊ မိတ်ဆွေ):
မိသားစုထဲမှ ငယ်ရွယ်သူများ၊ မေတ္တာစာ၊ သူငယ်ချင်း မိတ်ဆွေထံမှ သတင်း၊ ပန်းစည်း၊ ကျေးဇူးတင်လွှာ
ဒီနေရာမှာ မမေ့သင့်တာကတော့ ပထမဆုံး သတ်မှတ်ချက်ဖြစ်တဲ့ အနီကောင်း၊ အနက်ဆိုးတယ် ဆိုတာလေးပါ။ အနက်ရောင်ဖြစ်တဲ့ ညှင်းကတ်ပြားက သိပ်အဆိုးကြီးမဟုတ်သည့်တိုင် အလုပ်ပိုလုပ်ရခြင်း ပိုမိုအားစိုက်ရခြင်းကို ပြဆိုပါတယ်။ စပိတ်ကတ်ပြားကတော့ အဆိုးဆုံးဖြစ်ပါတယ်။
(Source: http://www.cartoonstock.com/lowres/jfa1672l.jpg)
ဆက်လက်ပြီး အလျဉ်းသင့်လို့ ရှေးရိုးလက်ခံထားတဲ့ ဖဲချပ်အဓိပ္ပာယ် တချို့ကို ပြောပြချင်ပါတယ်။
A♥: အိမ်၊ မိသားစု
A♦: စာတစ်စောင်
A♣: အခွင့်အရေး၊ ပန်းတိုင်
A♠: ဆုံးဖြတ်ချက်၊ သေဆုံးမှု
3♠: တစုံတရာ ဆုံးရှုံးခြင်း
7♠: မျက်ရည်ကျရခြင်း (ပြဿနာအပုံအပင်)
9♥: ဆုတောင်းပြည့်ခြင်း
9♠: ဆုတောင်း မပြည့်ခြင်း
10♠: ပူပန်မှု
Q♠ or K♠: ကွာရှင်းပြတ်ဆဲထားသောသူ
ဒီတစ်ခေါက်အတွက် သင်ခန်းစာကို ဒီနေရာမှာပဲ ရပ်နားပါရစေ။ အရင်က ပို့စ်တွေမှာ ပြောပြသွားခဲ့တဲ့ ကဗျာလေးနဲ့အတူ ခုတစ်ခေါက် ဖွင့်ဆိုချက်တွေကို လေ့လာသင်ယူပါလို့ ပြောချင်ပါတယ်။ နောက်လာမယ့် ပို့စ်မှာ ဘယ်လို ဖြန့်ကျက် ဟောကြားရတယ်ဆိုတာကို လက်တွေ့နမူနာတွေနဲ့ ပြောပြမှာဖြစ်ပါတယ်။
အဆင်ပြေမည်ဟု မျှော်လင့် ယုံကြည်လျက်
အုပ်စိုး
References:
http://www.c-cartomancy.net/
http://www.hedgewytchery.com/cartomancy.html
http://www.serenapowers.com/playingcards2.html
http://www.cafeastrology.com/fortunetellingcards.html
http://www.secondhand-souls-4occult.com/cartomancy.html
